油桐

油桐（粵拼：jau4 tung4；學名：Vernicia fordii），第個名係光桐（gwong1 tung4）、三年桐（saam1 nin4 tung4），係大戟科油桐屬嘅一種落葉喬木。原產地喺中國嘅華中地區，長江流域附近，佢係中國內地四大木本油料樹嘅其中一種。呢種植物喺中國內地嚟講，至少有成千年嘅栽培史。

How to read a taxobox 油桐
物種分類
界 植物界 Plantae 門(Divisio): 被子植物門 Magnoliophyta 綱 雙子葉植物綱 Magnoliopsida 目 金虎尾目 Malpighiales 科 大戟科 Euphorbiaceae 屬 油桐屬 Vernicia 種 油桐 V. fordii
二元學名
Vernicia fordii (Hemsl.) Airy Shaw

形態

呢種植物一般比較矮，樹齡比較短，但係公乸唔同樹；莖部有紫紅色嘅條紋；佢嘅花嘅聚傘花序，花瓣係白色，一般喺4月開花，5月結果。佢嘅果一般喺10月先至熟，而且連續20~30年都有果出。而佢榨出嚟嘅油叫桐油，一般係金黃或啡黃色，有光澤嘅乾性油。

用途

油桐榨出嚟嘅油係唔食得嘅，因為佢嘅毒性比較犀利，但可以做工業用油，一般用喺整油漆、塑料、電器、人造橡膠、人造皮革、人造機油、油墨等製造業。

藥用價值

油桐嘅根、葉、花、籽、甚至榨出嘅油都可以做藥。有以下呢啲功效：

部位	功效
花	清熱解毒，生肌。
葉	清熱消腫，解毒殺蟲。
榨出嘅油	除嘔瀉痰，解毒殺蟲，潤膚生肌。
根	瀉氣消積，利水化痰，驅蟲。
籽	除風痰，消腫毒，利二便。

栽培史

油桐之所以有成千年嘅栽培史，係因為早喺唐朝嗰時，陳藏器寫嘅《本草拾遺》講咗「罌子桐生山中，樹似梧桐。」同埋其它記低咗同油桐有關栽培同利用史嘅書。唐宋之後，喺中國內地嘅南方山區種得比較多。雖然話湖南宜章從古代開始，就有種油桐嘅講法，但根據種植户話之前佢哋種嘅係光皮桐，而家佢哋種嘅係千年桐。同光皮桐差咗好遠。而呢種植物直到1880年之後先至傳到國外。

毒性

油桐嘅葉、樹皮、籽、根都有毒，尤其係籽最犀利。而佢嘅有毒成分係桐子酸同異桐子酸，呢啲酸會損害肝同腎。

有關嘅書

• 中国少年儿童百科全书 自然·环境 第399页　浙江教育出版社 ISBN·7-5338-1946-2/G·1942

出面網頁

• 油桐 中国花卉网
• 油桐 認識植物
• 製油的原料 桐油的原料---油桐 臺中市沙鹿區深波圖書館
• 三年桐 荒野保護協會新竹分會
• 油桐, Youtong 藥用植物圖像數據庫 (香港浸會大學中醫藥學院) （繁體中文）（英文）