五一三事件

五一三事件（粵拼：ng5 yat1 saam1 si6 gin6、馬來話：Peristiwa 13 Mei、英文：13 May Incident），係馬來亞半島一場種族衝突事件，衝突喺1969年5月13號爆發，並延續咗幾個月。

五一三事件 Peristiwa 13 Mei 13 May Incident
日期 1969年5月13號至1969年11月 地點  馬來西亞吉隆坡首都 結果 國家宣佈進入緊急狀態長達兩年。 民主體系、法律、憲法、國會被擱置長達兩年。 成立國家行動委員會（National Operations Council）成為咗當時馬來西亞嘅全國決策領導單位。 首相東姑阿都拉曼被逼辭職。 國家原則嘅推出。 政府執行新經濟政策。 增加種族間對立嘅緊張關係，特別係馬來人同華人。 巫統同行動黨成為咗日後種族矛盾嘅導火線。
衝突方
馬來人，主要支持巫統。	華人，主要支持行動黨。
傷亡
25人死亡（官方報告）	143人死亡（官方報告）

事件嘅起因係馬來西亞聯邦反對勢力喺嗰一年舉行嘅1969年第三屆全國選舉中獲得50.9%嘅得票率，第一次超越聯盟政府（國民陣線嘅前身）。反對黨喺5月11號進入吉隆坡慶祝勝利並且遊行。一啲巫統嘅激進黨員爲呢件事觸怒，舉行反示威。5月13號，兩派人馬喺街頭短兵相接，最終演變成為流血大暴動。5月15號，最高元首陛下應首相東姑阿都拉曼之請宣佈全國進入「緊急狀態」。

馬來西亞聯邦政府官方解釋呢件事件嘅主要原因係馬來人同華人之間嘅種族衝突，原因係喺當時嘅各民族之間政治同經濟能力有好大嘅差異；但係，部分華人認為呢次事件係馬來人針對華人所展開嘅屠殺行為。呢次血腥嘅種族衝突導致咗好多死傷；喺華人佔多數嘅地區，華人死傷人數遠高過馬來人。

事後阿都拉薩將此前嘅激進民族主義改成溫和嘅改良主義。馬來西亞政府開始執行馬來西亞新經濟政策以消除各種族喺政治以及經濟能力嘅差異，同時減低貧民率，提供好多工作機會同提升收入。其中主要內容係畀馬來人同馬來西亞土著特權，以提高佢哋嘅經濟佔有率。新經濟政策喺馬來人入面培養咗一批中產階級。