五星，又叫五緯，古代觀測到嘅行星，即係熒惑、辰星、歲星、太白同鎮星。今日來講，就係火星、水星、木星﹑金星同土星。若然夾埋日月，就係七曜。
古時觀天，五星會喺黃道上下行，多數順行，亦有逆行，或停留不動。會有凌犯掩星。咁涉及星占吉凶。
五星連埋一綫，叫五星連珠。
馬王堆漢墓出土文物，有五星占，講觀測五星，以及推算五星行度，即係推步。
五星之外嘅行星，因為太暗，要到近代先至發現。
