四書五經指九本中國儒家嘅經典著作。四書指《論語》、《孟子》、《大學》、《中庸》。五經指《詩經》、《尚書》、《禮記》、《周易》、《春秋》，簡稱為「詩、書、禮、易、春秋」。其實本來應該有六經，重有一本《樂經》，夾埋叫「詩、書、禮、樂、易、春秋」，後來俾秦國燒咗，只剩低五經。「五經」係大漢嗰陣已經定落嘅經典，而四書就係大宋先至由理學家朱熹特別揀出來。
