摩西五經（תּוֹרָה），音譯係妥拉（意思係教導[1]），又叫做律法書或摩西律法（Torat Moshe תּוֹרַת־מֹשֶׁה），天主教叫梅瑟五書，唐朝景教叫牟世法王經，係《希伯來聖經》嘅頭五本書，分別係創世記、出埃及記、利未記、民數記同埋申命記，呢五本書係用最古老嘅希伯來文寫成，係猶太教入面好重要嘅經典。因為喺傳統上，啲人覺得呢五本書係摩西寫嘅，所以就叫做摩西五經。
摩西五經記述咗由上帝創造天地[2]至到摩西死[3]之間以色列民族嘅發展。
