香港交通安全隊
(由交通安全隊跳轉過嚟)
香港交通安全隊（英文：Hong Kong Road Safety Patrol）係香港交通安全會轄下嘅一個義工服務組織，成立嘅目的係透過教育層面向青少年隊員灌輸交通安全嘅基本常識，令佢哋清楚了解使用道路嘅時候應該持有嘅正確態度，令交通安全常識得以廣泛宣傳。
| 香港交通安全隊 | |
|---|---|
| 宣言 | 謹慎禮讓 |
| 創立時間 | 1963年 |
| 性質 | 香港青少年制服團體 |
| 總部 | 香港交通安全隊總部 |
| 位於 | 香港香港島掃桿埔大球場徑2號 |
| 成員 | 14,000+ |
| 總監 | 廖啟明 醫生 MH ，SBStJ |
| 網站 | www.rsa.org.hk |
簡介
編輯香港交通安全隊係制服隊伍，通過紀律訓練同活動培養青少年嘅領導才能，加強佢哋嘅責任感同自律性，藉此發展個人潛能，服務社會，為推廣交通安全嘅活動作出貢獻。內部一切事務都係由總監負責，總監嘅職位係由執行委員會委任同需要接受執行委員會嘅監察，總監係香港交通安全會執行委員會嘅當然委員，隊務需要向執行委員會匯報。
香港交通安全隊成立初期只有兩間學校大概四十人參與，經過近五十年嘅發展，目前擁有超過一萬一千位隊員，當中學校隊伍嚟自全香港三百七十幾間中小學同幼稚園。此外，長者交通安全隊同成人隊伍共有三十幾隊。
學校現役隊伍隊員有大概有萬幾人，遍佈喺全香港各區，隊員每日義務協助學童同路人安全橫過馬路，以減少交通意外。根據政府統計數字顯示，每一宗嚴重嘅交通意外所耗費嘅醫藥、維修，搶救服務、家人護理同喪失工作能力等支出高達港幣幾十萬；而引致死亡嘅意外傷害，每宗耗費更高達港幣幾百萬。香港交通安全隊隊員宣傳交通安全知識，協助學童活動，間接有助減少交通意外傷亡嘅發生，無形中亦為政府慳咗大量公帑。
香港交通安全隊隊員定時執勤，積極參與由政府各部門、志願團體同工商機構舉辦嘅唔同類型交通安全推廣活動，從而喚起各界人士重視交通安全，以達至「路上零意外 香港人人愛」嘅宣傳願景。香港交通安全隊亦經常參加各項社會公益活動，例如公益金百萬行、撲滅罪行運動、清潔運動、禁毒運動等，參與活動嘅隊員每年超過一萬人次[1]。
隊伍
編輯- 成人隊伍
- 中小學隊伍
- 幼兒隊伍
- 長者隊伍
出面網頁
編輯參考
編輯- ↑ 〈香港交通安全隊簡介〉。原著喺2021年1月17號歸檔。喺2021年3月2號搵到。