交通警，警察一種，專門負責執行交通法例，同埋維持交通流暢同埋交通安全。佢亦叫交通警、交通警員、交通警察。未有交通燈地方，交通警會着白衫或者戴手袖，喺繁忙十字路口指揮交通。有時壞交通燈時、交通意外塞車，就要交通警指揮交通。
交通警有時亦配備私家車同電單車，以便路上執法。有時會有啲特別配備，例如用雷達槍捉超速，吹波機捉酒後揸車。同埋捉違例泊車以其他交通法用嘅告票。
各地交通法例唔同，執行權力亦有唔同，交通警所做嘅範圍亦因地而異。
有啲地方有交通督導員，但唔屬於交通警。
香港交通警嘅配備，同一般差人冇咩分別，西灣河示威者中槍案入面開槍嘅正正就係一名交通警。
