人工又叫糧、薪水、薪酬、工資等等，係僱員響工作合同保障（或者純粹協議）下做咗啲有償勞動之後攞到嘅收入。人工通常可以分為底薪、佣金同埋津貼等，通常每個月出一次，叫「月薪」；而個別行業可能按需要計「日薪」或者「時薪」。
英文入面仲有細分 salary 同 wage，前者指定期（例如每個月）會俾嘅人工，而後者指一次性噉俾嘅人工（即係例如簽份約話「做咗呢單工作就俾咁多錢」）。
