人聲音域

人聲音域（英文：vocal range）係指一個人把聲最高音同佢把聲最低音差距幾大，而呢樣嘢可以有個體差異，會對唱歌嘅能力造成具體影響。

想像有個人由一個低嘅音（例如 C₃）開始，以上升嘅方式（即係每吓聲比前一吓高一個半度）一吓一吓噉唱啲音高出嚟－D₃、E₃、F₃... 噉，去到某一點佢實會發現自己唱唔到下一聲出嚟；呢類噉嘅事實表明，一個人把聲「能夠發出咩音高嘅聲」係有上限同下限嘅－音域正正就係指一把人聲「發得出嘅最高音高」同佢「發得出嘅最低音高」之間差幾遠。音域係定義聲種最重要嘅特徵。