仁濟醫院董之英紀念中學

仁濟醫院董之英紀念中學（英文：Yan Chai Hospital Tung Chi Ying Memorial Secondary School）喺1994年創辦，係一間位於香港沙田馬鞍山嘅政府津貼全日制中學，用母語教學，亦係仁濟醫院開辦嘅第三間中學。而家嘅校長係黃攸杰。

仁濟醫院董之英紀念中學

仁濟醫院董之英紀念中學以佢喺香港足球學界嘅成績而出名，亦孕育出唔少香港職業足球員。不過，2024年學年因為校方失誤逾期報名學界比賽，向香港學界體育聯會上訴要求通融亦失敗，將缺席嗰年足球學界精英賽。