他羽馬他華加坦基很加哥歐歐奧他馬鐵督䈅卜加加皮基馬源加河鍋鹿古波街喴嚕亞其他那他烕

他羽馬他華加坦基很加哥歐歐奧他馬鐵督䈅卜加加皮基馬源加河鍋鹿古波街喴嚕亞其他那他烕，簡稱他羽馬他（毛利文：Taumatawhakatangihan gakoauauotamateapokaiwhenuakitanatahu又或者Taumatawhakatangihangakoauauotamateaturipukaka pikimaungahoronukupokaiwhenuakitanatahu ，簡稱Taumata），係紐西蘭一座高305米嘅山，坐落於豪克斯灣地區嘅南部。呢個地名係長地名之一，全長有85個字母，亦都係英文國家最長嘅地名。

名

呢座山簡稱做他羽馬他嘅目的只係方便溝通。由紐西蘭土地信息部維護嘅紐西蘭地理地名數據庫紀錄嘅地名拼寫方法係「Taumata­whakatangihanga­koauau­o­tamatea­pokai­whenua­ki­tana­tahu」（57個字母）。呢座山因為呢個長名而好出名。紐西蘭先驅報指出，他羽馬他係世界上第二長嘅地名，僅次於曼谷（全長有137個字母）。

他羽馬他山重有另一種寫法，係「Tetaumatawhakatangihangakoauaotamateaurehaeatu ripukapihimaungahoronukupokaiwhenuakitanatahu」 ，全長92個字母。呢種被稱為「正規」嘅寫法喺最近先至出現，當地毛利人將寫住地名嘅路牌樹立喺山腳下，並且宣稱係世界最長喺地名。但係有威爾斯人認為，呢個地名嘅出現純粹係為咗長過威爾斯嘅地名蘭韋爾普爾古因吉爾戈格里惠爾恩德羅布爾蘭蒂西利奧戈戈戈赫（Llanfairpwllgwyngyllgogerychwyrndrobwllllantysiliogogogoch，58個字母）。

另外，他羽馬他山有一個比上述兩個名更加長嘅拼寫方法，係「Taumata-whakatangihanga-koauau-o-Tamatea-haumai-tawhiti-ure-haea-turi-pukaka-piki-maunga-horo-nuku-pokai-whenua-ki-tana-tahu」，全長105個字母。

流行文化

他羽馬他山個名曾經出現響激浪順口溜入面。

肯尼·埃弗里特改咗他羽馬他山個名，將佢當係電視節目嘅引言，由一個卡通化嘅毛利人講出嚟。紐西蘭音樂家彼得·開普曾經唙佢尐歌入面用85個字母版本嘅名作為歌詞一部分。

捷克樂隊馬可！馬可（Mako!Mako）曾經以他羽馬他山嘅全名作為全首歌嘅歌詞；1976年，英國樂隊量子躍遷（Quantum Jump）嘅單曲《獨行俠》曾經將他羽馬他山嘅全名作為部份嘅歌詞。