代理伺服器

代理伺服器，又叫網絡代理，係指幫一個網絡節點（用戶端，例如屋企入面啲電腦），以｢代理人｣嘅身份去間接同第三個網絡節點（目標）連接嘅一種伺服器。代理伺服器入面用來做到網絡代理呢樣功能嘅軟件稱為「代理軟件」。

具體過程大致上係：用戶端（第一部電腦）想要目標伺服器（第三部電腦）嘅某啲資源，但用戶端就唔直接同目標伺服器連接。用戶端（第一部電腦）首先同代理伺服器（第二部電腦）連接埋一齊，跟住話畀目標伺服器（第三部電腦）知，想要佢入面嘅檔案或其他資源。代理伺服器透過同目標伺服器直接連接，或者從緩存中攞到第一部電腦想要嘅資源，就畀返用戶端（第一部電腦）。通常喺呢個過程入面，代理伺服器可能會改變用戶端嘅請求或伺服器端（第三部電腦）回應嘅一啲內容，從以滿足各種代理嘅需要。

用代理伺服器嘅原因可以係因為用戶端（例如因為保安理由）同目標完全隔離，只能夠透過防火牆上面嘅代理伺服器交談；又或者用戶端同目標根本可以直接對話，但係因為某種原因揀透過第三方。

所謂代理軟件可以係系統內核，亦都可以係特別嘅軟件。

防火牆或者一啲閘道、路由器都有網絡代理嘅功能。

代理伺服器嘅工作協定

Socks

SOCKS

HTTP

Internet Explorer嘅設定

喺工具→Internet 屬性→連接→局域網路設定→代理伺服器中可以改

Firefox嘅設定

位於工具→選項→常規→連接設置下。喺一般情況，安裝SwitchProxy會容易啲設定代理伺服器。中國大陸出產嘅xyzproxy亦都係一個選擇。

其他

匿名代理伺服器帶嚟嘅風險

當使用代理伺服器嘅時候，所有發送去被訪問服務（例如一個網站嘅HTTP伺服器，即係第三部電腦）嘅資料都必須先流經代理伺服器，通常呢啲資料都係無經過加密。所以，一個惡意嘅代理伺服器就有可能記錄底所有經過呢個代理嘅資料，包括用戶名同埋密碼咁。

開放嘅代理伺服器令到用戶可以隱藏佢嘅來源，因此有部分人通過呢種途徑嚟發表垃圾留言。所以唔少網路管理員禁止使用開放代理伺服器嘅非註冊用戶發表內容。

反向代理伺服器

反向代理伺服器架設喺伺服器端，通過緩衝成日被請求嘅頁面來緩解伺服器嘅工作量。

維基百科使用開放源代碼嘅Squid代理伺服器。

分散式代理伺服器

代理伺服器係電算楔位文，你可以編輯佢充實內容。