以牙還牙

  呢篇文講博弈論概念。想搵宗教概念嘅話，請睇以眼還眼。

以牙還牙（tit for tat）係博弈論上嘅一種策略，指「無論如何，喺第一次博弈嗰陣都揀合作；然後每次博弈嗰陣都做對手喺打前嗰次博弈做嘅嘢。」嘅做法。呢種策略雖然簡單，但喺監躉困境博弈當中好有效。

有原諒嘅以牙還牙（tit for tat with forgiveness）就係指「以牙還牙，但每次要揀背叛嗰陣都有 1 - 5% 嘅機會率會改為揀合作」。

以牙還兩牙（tit for two tats）同以牙還牙一樣，不過等對手背叛兩次之後自己先至郁手背叛。