以色列足球代表隊係代表以色列嘅足球隊，由以色列足球總會打理，會出席國際足球賽事好似世界盃、歐洲國家盃咁。
以色列地理上屬西亞，但因為同一眾阿拉伯世界成員國喺政治上、宗教上有牙齒印（1967年六日戰爭後，非法佔領巴勒斯坦地區嘅加沙地帶、約旦河西岸地區領土），1974年9月14號被逐出亞洲足球協會，到1992年正式獲歐洲足球協會收留。
