加沙走廊
(由加沙地帶跳轉過嚟)
加沙走廊（阿拉伯文：قطاع غزّة ），又譯做加沙地帶，係一條喺以色列西岸、西奈半島東北面嘅長條型地帶，首府叫加沙，主要由巴勒斯坦人聚居。
歷史 編輯
喺第一次中東戰爭結束後，埃及佔領咗加沙地帶。喺埃及控制加沙地帶期間，埃及政府冇畀埃及公民權畀加沙地帶嘅居民。
喺1956年蘇彝士運河危機嗰陣，以色列佔領咗加沙地帶，去到1957年先撤軍。
喺1967年六日戰爭中，以色列佔領咗加沙地帶，一直去到2005年先至完全撤軍。
1994年，以色列將加沙地帶大部分地方交畀巴勒斯坦自治政府管治。喺巴勒斯坦行政區劃入面，加沙地帶分成5個省。
2005年，以色列完全撤出加沙地帶。
2007年6月，加沙之戰後，法塔赫勢力畀哈馬斯趕出加沙地帶。
2008年12月，另一場加沙之戰發生，打到2009年1月先停。
2014年7月至8月，哈馬斯同以色列又再打過。
2023年10月，哈馬斯對以色列發動大規模襲擊，搞到以軍向加沙地帶大舉進攻。
