《企業強人》（英文：Big Biz Duel）係香港電視廣播有限公司同中國企鵝影視聯合製作嘅時裝劇集，由陳豪、譚俊彥、張曦雯同龔嘉欣領銜主演，監製羅永賢。套劇用物流公司做主題。無綫電視翡翠台喺2024年9月16號到10月18號逢禮拜一到五20:30-21:30播。
套劇做宣傳嗰陣，定位做繼《律政強人》、《白色強人》、《白色強人II》、《破毒強人》後「強人系列第五部曲」。套劇入面嘅主要舞臺「世代物流」亦曾經喺《破毒強人》出現過，但兩套劇屬唔同時空，兩者冇任何關連。
