伊利沙伯醫院

伊利沙伯醫院（Queen Elizabeth Hospital），係香港一間公立醫院，由香港醫院管理局管理，係九龍中聯網其中一間醫院，地址係九龍京士柏加士居道30號。佢曾經係英聯邦最大嘅全科醫院^[1]。

簡介

伊利沙伯醫院喺1963年啟用，係九龍區嘅大型綜合醫院，病床超過1,800張，職員大概4,800人，提供24小時急症室服務，共設16個專科、3間專科診所、同5間普通科門診診所。

伊利沙伯醫院為每個臨床專科嘅病人提供高層次同高強度護理，亦喺多個所設嘅臨床專科當中，扮演住第三層專介中心嘅角色，特別係癌症科、胸肺同心臟科、腦神經科、愛滋病科。

伊利沙伯醫院係醫生、護士同專職醫療人員嘅基本同研究生訓練嘅教學中心，同各有關嘅大專院校關係密切。

伊利沙伯醫院同公共同其他醫護機構合作，為香港開創咗幾個健康服務同專業發展，例如病人資源中心、青少年醫療中心、醫院義工服務、護理教育、公眾健康教育等。