伍富橋

伍富橋（英文：Ng Fu Kiu, Alvin，1994年 6月23號—），係香港男歌手，參加無綫電視2014年搞嘅《超級巨聲4》，入咗無綫電視，之後喺2016年嘅TVB全球華人新秀歌唱大賽得到季軍。

簡歷編輯

伍富橋喺石籬天主教小學度讀上午校，中學喺東華三院伍若瑜夫人紀念中學度畢業。之後去咗美國緬因州讀 Dirigo High School。畢業之後升讀緬因大學。

2014年，伍富橋由美國返香港發展，報名參加無綫電視搞嘅《超級巨聲4》，最終攞第十二名，就簽約做無綫電視藝員。2015年佢讀演員招募班，同年開始做音樂節目《樂勢力》主持，亦有客串演出無綫電視劇集，2016年做埋TVB娛樂新聞台主播，又有做旅遊節目《3日2夜》主持。

2016年6月，伍富橋加盟星夢娛樂，準備正式做歌手。2017年頭，佢代表香港參加《TVB全球華人新秀歌唱大賽2016》，最後攞季軍。同年8月28號，佢推出頭一首派臺歌《我怎會如此》，其後作品有《放假》及《不只是朋友》。