伍山河
伍山河，香港親中派基督教人士，曾經係五旬節聖潔會永光書院校監，自1995年起任五旬節聖潔會香港區總監督，成為香港第一位華人總監督。
早年生涯
編輯政治及社會問題立場
編輯佢係親中派人士，曾經支持同屬親中派嘅梁美芬參選2007年香港區議會選舉[2]。佢又曾經喺2012年除夕一次教會活動興奮大談自己同中聯辦主任仲有梁振英合照，又大讚中聯辦主任好人。另外，數碼廣播停播喺2012年被逼停播，社會廣泛關注傳媒自由嘅問題，但伍山河就被部分教友指佢私底下曾經批評創辦人鄭經翰，話停播嘅原因都係因為佢譁眾取寵[3]。
2005年初，佢曾經表示支持就性傾向歧視立法、賭波合法化和娼妓合法化，認為就算基督徒唔應該做呢啲嘢，但大家無權阻止非基督徒咁做[1][4]。
爭議
編輯講道期間發表侮辱女性言論
編輯喺2009年11月，佢去咗香港中文大學崇基學院神學院出席一次神學日活動，但講道期間發表咗一啲侮辱女性言論，例如話昔日教會嘅女傳道「肥肥矮矮腳粗粗、唔靚」，話佢哋係教會嘅羞辱，又話「唔係靚嘅女仔就唔接受讀神學」。結果被神學院學生會發表聲明譴責[5][6]。
對政治議題喺教會內嘅討論持雙重標準
編輯佢曾經喺2020年香港反送中運動等社會風波期間，喺五旬節聖潔會通訊撰文聲稱唔能夠讓社會議題騎劫教會，但自己就曾經多次高調將政治議題引入教會，包括2008年高調為親中派梁美芬助選、2016年喺教會舉行撐「一帶一路」宣教祈禱會、以及喺旗下學校舉辦「一帶一路」考察團，比一啲教友批評[3][7]。
參考
編輯- ↑ 1.0 1.1 〈基督日報(香港) - 伍山河牧師：教會要建立抗衡文化〉。www.gospelherald.com.hk。喺2023-01-25搵到。
- ↑ 〈作為記錄——當年支持梁美芬這狗屁邏輯法學白痴的基督教內人士〉。
{{cite web}}: CS1 maint: url-status (link) - ↑ 3.0 3.1 門徒媒體 (2021-01-03)。〈[匿名爆料]伍山河牧師自誇與中聯辦主任合照 抹黑鄭經翰「譁眾取寵」〉。《門徒媒體》 (臺灣中文)。喺2023-01-25搵到。
- ↑ 〈報導：五旬節聖潔會伍山河牧師支持訂立性傾向歧視法〉。
{{cite web}}: CS1 maint: url-status (link) - ↑ 〈伍山河失言風波崇基學生會回應報章報道（12月10日消息）〉。christiantimes.org.hk。喺2023-01-25搵到。
- ↑ 〈講道涉嫌歧視 教會高層道歉 指昔日女傳道「肥矮腳粗」〉。《明報》。2009-12-06。
{{cite news}}: CS1 maint: url-status (link) - ↑ 〈莫似伍山河牧師「政治騎劫」教會。讓「救贖之光」燃亮社會！ | 輔仁文誌〉。www.vjmedia.com.hk。原著喺2021-11-20歸檔。喺2023-01-25搵到。