伏見博英
伏見博英 伯爵（日文：ふしみ ひろひで 、1912年10月4號—1943年8月21號）係伏見宮博恭王第四個仔，同時係一名海軍軍人，最高階級係海軍少佐。佢生前仲係伏見伯爵家家督。未皇籍脫離之前，尊稱為博英王。
經歷
編輯伏見博英響1912年出世，係博恭最細個仔，上有三個大佬博義、博忠、博信，再加三個家姐恭子、敦子同埋知子。
早年入讀海軍兵學校，畢業之後到大日本帝國海軍做嘢，響1932年做埋貴族院議員。響1936年，佢皇籍脫離，獲昭和天皇賜姓伏見，改名叫伏見博英，同時畀人封為伯爵。
後嚟佢畀人調去第3連合通信隊司令部。響1943年，佢同戰友響印尼蘇拉威西島南部波尼灣上空同人打仗嘅時候畀敵人嘅戰機擊落而戰死，終年三十歲。死後，佢畀人追封做海軍少佐。
因為佢冇仔，淨係得女，所以啲人決定將三哥博信細仔伏見博孝以養仔身份去繼承伏見伯爵家家督一位。