華頂博信
華頂博信（日文：華頂博信／かちょう ひろのぶ Kachō Hironobu，1905年5月22號—1970年10月23號），前日本皇室成員，華頂家當主，老豆係伏見宮博恭王，同時係海軍軍人同埋貴族院議員，最高階位係海軍勲一等大佐。響未皇籍脫離之前，尊稱伏見宮博信王。
經歷
編輯博信係響1905年出世，老豆係博恭，有兩個大佬（分別係博義王同埋博忠王）。響1925年入讀海軍兵學校，同年做咗海軍少尉候補生同埋「磐手」成員之一，響1926年12月升上做海軍少尉同埋畀人派去做山城號戰艦船員之一，後嚟響1939年畢業。
響1926年，博信王獲頒勲一等旭日桐花大綬章，響同年12月皇籍脫離，改封為侯爵，列入華族，唔再係皇室成員。同時，佢繼承華頂宮當主一位，接替因腦膜炎而過身嘅二佬博忠王，佢仲改名叫華頂博信。同月13號，華頂博信同閑院宮載仁親王第五個女華子女王結婚。
1932年，就任愛宕號重巡洋艦分隊長，之後分別做曙水雷長、漣水雷長同埋軍令部員。響1935年，佢以候爵嘅身份做貴族院議員。
響1939年，佢擔任海軍大學校教官，響1945年畀人調去海軍水雷學校做教官，同月升上做中佐。同年9月升上做大佐，同年11月畀人調去予備役（即在鄉軍人，入得予備役嘅軍人差唔多都準備退役）。
1946年，老豆博恭過身，同年4月博信佢辭任貴族院議員。響1951年，博信正式同華子離婚，係日本皇室第一個離婚嘅人。呢件事響日本引起好大騷動，同時影響埋華子嘅大佬春仁。響1953年，博信同早川ルース壽美子再婚。
響1970年博信過身，終年六十五歲。死後由大仔華頂博道繼任當主一位，不過呢個時候華頂宮已經唔係皇室宮家，只係一個虛銜，所以博信係華頂宮最後一任實際當主。
屋企
編輯第一任老婆：華子女王
第二任老婆：早川ルース壽美子
拎
編輯| 上一任 （新起） |
華頂侯爵家當主 1926年 - 1970年 |
下一任 華頂博道 |
| 上一任 （新起） |
華頂侯爵（頭銜） 1926年 - 1947年 |
下一任 （華族制度廢止） |