何南慧

何南慧（Ho Nam Wai，2002年4月30號—），身高1.67米，體重53公斤，香港女子游泳運動員。

簡歷

何南慧自細體弱多病，媽咪於是就安排佢學游水，希望佢能夠透過游水而變得強壯 。

2018年8月，何南慧代表中國香港參加印尼雅加達舉行嘅亞運會游泳比賽項目，分別攞到女子4×100米自由泳接力同女子4×200米自由泳接力兩個銅牌。

2018年11月，何南慧代表中國香港參加星加坡舉行嘅游泳世界盃，喺女子800米自由泳造出8分35.38秒，攞到一面銀牌。

何南慧而家仍然保持住2項香港嘅游泳紀錄。另外重保持住4項青年組別紀錄、2項分齡賽紀錄（15-17歲）同5項分齡賽紀錄（13-14歲）。