何東夫人紀念堂（英文：Lady Ho Tung Hall），喺1951年創立，係香港大學而家十五間舍堂之一，亦係港大唯一重喺度嘅女生舍堂同埋係四間傳統舍堂之一。地址係香港島薄扶林道91A號，格言係Justitia Et Veritas（Belief in both justice and truth），以獨角獸為守護獸，代表色係黃色。
何東舍堂有「三寶」[1]：
- Gong（銅鑼）：係喺1951年第一屆何東夫人紀念堂宿生會就職典禮，香港大學學生會送畀何東夫人紀念堂嘅禮物，紀念舍堂嘅成立。重建之前每日嘅食飯時間都會有叔叔敲響銅鑼叫大家食飯。重建之後就變咗禮儀用途，亦都帶來何東夫人紀念堂同附近嘅利瑪竇宿舍一年一度嘅盛事，Gong Fight。
- 小草地：係香港大學其中一塊天然嘅草地。喺1998年重建之前，堂友可以喺依片廣闊嘅小草地抖下。
- 7.5吋雅蘭床褥：何東夫人紀念堂係香港大學唯一一間提供雅蘭床褥嘅舍堂。
