何棠下

何棠下（粵拼：ho4 tong4 haa6）係中國廣東廣州嘅地名，喺黃埔區九龍鎮九佛墟附近。378省道嘅K9+735～K11+320標記位。而家係中新知識城嘅一部分。

中國地名變遷
建置	1275年
現名	何棠下村
中華人民共和國	棠下鄉（1949年~1957年） 棠下大隊（1958年~1959年） 棠下公社（1960年~1965年） 東風大隊（1966年~1970年） 棠下大隊（1971年~1983年） 棠下鄉人民政府（1984年~1985年） 何棠下村（隸屬白雲區九佛鎮，1986年~2004年） 何棠下村（改屬白雲區鐘落潭鎮，2004年~2005年） 何棠下村（改屬蘿崗區九龍鎮，2005年~2014年） 何棠下村（改屬黃埔區九龍鎮，2015年~而家）

何棠下村口

名

個村名因為喺水塘下邊而嗌成塘下，後嚟改名做棠下。但無耐因為廣州地區同時出現咗三個「棠下」嘅地名（另外兩個分別喺而家嘅白雲區同天河區），令好多市民同街坊搞到亂龍。後因呢個村大多數人都係何氏家族而改名做何棠下。

史

個村喺大元時期從南雄珠璣巷出發，經新會、鐘落潭、良田後，喺1275年到棠下開村。1949～1957年間搞出棠下鄉，1958年公社化後分出棠下一、棠下二、金水里三個大隊。1960年將棠下一二兩個隊合併，1966年因破四舊被批成牛鬼蛇神而三隊合併，變成「東風大隊」轄下20個大隊。1971年改返「棠下大隊」個名時加多做個生產社。1980年分出24個生產隊。

• 1984年2月，生產大隊改名做棠下鄉人民政府。
• 1986年12月，成立何棠下村民委員會。
• 2004年6月，受到九佛併入鐘落潭影響而變成鐘落潭政府屬下。
• 2005年8月，受到九佛改屬蘿崗區影響，村委改屬九龍鎮政府屬下。
• 2015年9月，由於蘿崗區同黃埔區合併，雖然村委冇改到屬下，但區委政府改屬黃埔區。

攷

• 何棠下村 广东省情网