佳美道（Carmel Road）係香港一條行車馬路，響香港島南區赤柱，由赤柱村道開始，去到馬坑環角道，0.82公里長。
呢條路係往返赤柱同馬坑必經嘅路，自從2000年2月28號呢條路延長到環角道後，就有多條來往市區同赤柱巴士小巴線由赤柱峽道改經呢條路，方便馬坑多個屋苑居民。
另外，呢條路響赤柱廣場對開有馬坑巴士總站，行人亦可乘搭赤柱廣場升降機往返山下赤柱大街同赤柱市集。
