維基百科

俄羅斯入侵烏克蘭戰爭入面同中國大陸有關嘅事件

(由俄羅斯入侵烏克蘭戰爭入面同中國有關嘅事件跳轉過嚟)

中俄關係緊密，喺俄羅斯入侵烏克蘭戰爭期間，中國政府被指一早知道計劃，但未有跟隨西方國家譴責或大規模制裁，而中國網民有啲攻擊聲援烏克蘭聲音，或者對烏克蘭揶揄嘅言論，亦引起咗一啲爭議甚至係反華情緒。另外，有啲評論亦就入侵事件推測中國對台行動。呢啲反應同討論、中方取態都備受華語媒體甚至係國際層面嘅關注。

關於中國事前對入侵計劃嘅了解 編輯

《紐約時報》曾經報導，唔同西方國家情報都話，中國喺烏克蘭被入侵之前一早得知俄羅斯計劃同意圖，而且叫俄羅斯喺完咗冬奧先開始[1][2]。有啲人因而批評中國做法，例如時事評論員黃世澤就批評中國點解唔提早撤僑，又話中國咁做同幫助俄羅斯入侵烏克蘭無分別[3]。不過，中國就否認說法，話係抹黑[2][4]。

中國民間反應 編輯

中國市民普遍支持俄羅斯，而法國國際廣播電台嘅報道甚至指出支持者唔止係網軍，而且係主流市民[5]。

部分網民攻擊聲援烏克蘭聲音 編輯

中國部分網民喺呢次戰爭入面傾向支持俄羅斯，甚至攻擊立場唔一樣嘅人。其中，中國主持人金星喺微博公開批評普京，話佢係一個瘋狂嘅男人，又呼籲停止戰爭，祈禱和平，但結果遭到中國網民攻擊，佢嘅戶口後來甚至被停用[6]。

小粉紅對烏克蘭難民嘅揶揄同埋引起嘅反華情緒 編輯

喺入侵發生後，有中國網民話死越多人越好，仲話要進口烏克蘭美女，又話同中國為敵無好下場，結果呢啲留言被大量翻譯，被烏克蘭人睇到，引起烏克蘭境內國民反華聲浪，傳出有中國人被槍擊，有啲中國當地留學生被當街質疑，甚至要扮成日本人先去到防空洞，呢啲留學生亦都話，多得呢啲小粉紅唔少[7][8][9]。居住喺當地嘅中國演員林男喺社交媒體話自己甚至出門購物就遭當地居民持槍追殺，又呼籲中國網民唔好再講啲輕蔑烏克蘭人嘅言論[10]。

之後，有啲中國社交媒體封鎖咗有關嘅關鍵字[7]，但《環球時報》評論員胡錫進就為呢啲中國網民護短，話如果烏克蘭若出現排華情況嘅話，咁樣完全係烏克蘭嘅錯[9]。

加拿大駐華大使館因為聲援烏克蘭而被破壞 編輯

加拿大駐華大使館喺3月1號升起烏克蘭國旗，喺圍牆豎起一啲支持烏克蘭嘅標語，亦喺微博發帖聲援烏克蘭。結果，喺微博入面有唔少人攻擊同謾罵，話加拿大係「種族屠殺者」、「美國跟班」，之後喺大使館圍牆嘅標語被人破壞，甚至寫上Fuck NATO嘅字眼[11][12]。

中國網民以消費支持俄羅斯 編輯

根據路透社同中國網媒《極目新聞》報道，俄羅斯官方授權嘅電商平台「俄羅斯國家館」、購物平台京東、天貓等都出現搶購俄羅斯生產零食嘅情況，更有買家話支持俄羅斯就即係支持自己，而網店嘅追蹤者數量亦激增[11][13]。

香港人就事件對中國人嘅批評 編輯

内文：俄羅斯入侵烏克蘭戰爭入面同香港有關嘅事件 § 部分批評中國小粉紅聲援俄羅斯嘅聲音

相對於中國人比較多企喺俄羅斯嗰邊，香港人就比較多企喺烏克蘭嗰邊[14]。前全國政協委員劉夢熊、專欄作家馮晞干同埋國際關係學者沈旭暉等人都分別批評中國人或者親北京人士喺呢件事上面嘅立場。

中國官方反應 編輯

中、俄兩國關係一直頗為緊密，佢哋又喺於2月4日發表《關於新時代國際關係和全球可持續發展的聯合聲明》，所以中國喺呢個問題受到一定唔同國家嘅壓力，其中澳洲國防部長達頓同烏克蘭外長都有呼籲中國介入事件，出面敦促俄羅斯停止戰事[15]。雖然中國曾經有呼籲各方克制，亦有兩間國有銀行開始限制購買俄羅斯商品嘅融資[16]，但未有跟隨西方國家譴責或大規模制裁，亦拒絕承認呢次係「入侵」[15]。中國又話對俄制裁係非法，中俄將繼續展開正常貿易合作[17]。另外，截至2月28號，官媒《人民日報》嘅頭版同國際版都無文章報導呢場牽動全球嘅衝突[18]。

部分官員言論 編輯

喺2022年2月26號，中國外交部發言人趙立堅喺Twitter上面諷刺美國，話美國先係整件戰事悲劇嘅導火線[19]。

中國中央電視台禁播足球賽事 編輯

英格蘭超級聯賽（英超）同埋德國甲組聯賽（德甲），都因為聲援烏克蘭而被中國中央電視台禁播[20][21]。

正式官方行動同表態 編輯

2022年3月2號，聯合國3月2號以141國贊成、5國反對、35國棄權，通過一項譴責俄羅斯入侵烏克蘭嘅決議案。中國係其中一個投棄權票嘅國家[22]。另外，中國銀保監會亦喺同一日正式宣佈唔贊成亦唔參與金融制裁俄羅斯，話咁樣無法理依據[23]。

撤僑安排同有關大內宣 編輯

喺戰爭啱啱開始嗰陣，中國曾經大搞大內宣，話台灣人可以坐佢哋嘅撤僑飛機走[24]。不過，後來中國撤僑安排行動節奏慢半拍，而且規劃嘅包機撤僑都執行唔到，甚至要中國公民自己前往烏克蘭鄰國[25]有當地中國留學生致電大使館，甚至被大使館嘅人鬧番轉頭[26]。中國駐烏克蘭大使館新聞參贊丁建偉曾經對媒體話，喺撤僑問題上飛機同巴士都非常難安排，每日收到過千電話[27]。

反之，台灣成功撤僑之後，有一啲中國網民就揶揄中國政府，甚至反問係咪反而當地中國人要黐埋去台灣人嘅撤僑飛機走[24]。

外間就入侵事件推測中國對台行動 編輯

有啲人認為，呢次俄羅斯嘅入侵，預示中國可能對台灣進行嘅行動，而且「台灣」亦因為呢次入侵事件，成為Twitter入面嘅熱門關鍵字[28]。

現任或前任國家領導人言論 編輯

  • 日本前首相安倍晉三喺2月14號形容，呢件事除咗對日本嚟講非常嚴重，亦都話事件預示中國會點樣對付台灣[29]。
  • 美國前總統當奴侵警告，如果美國唔能夠阻止俄羅斯嘅話，烏克蘭之後下一個被入侵嘅就係台灣[30][16]。

學者言論 編輯

  • 大西洋理事會「全球中國中心」非常駐高級研究員舒曼（Michael Schuman）亦都話喺而家嘅國際形勢下，台灣發生戰爭嘅可能性增加[31]。

睇埋 編輯

參考 編輯

  1. ↑ 〈纽时：中国官员曾要求俄 北京冬奥后再打乌克兰〉. 星州网 Sin Chew Daily Malaysia Latest News and Headlines (英文). 2022-03-03. 喺2022-03-03搵到.
  2. ↑ 2.0 2.1 〈傳華事前得悉俄侵烏 憂冬奧受累提延後開戰〉. 《on.cc東網》 (香港中文). 2022-03-03. 喺2022-03-03搵到.
  3. ↑ 《西方一早知道習近平、Putin蛇鼠一窩 中國對俄國入侵烏克蘭知情都不撤僑 中國如果視為俄國同盟國被對付亦十分之正常 黃世澤幾分鐘評論 20220303》 (英文), 喺2022-03-03搵到
  4. ↑ 〈據報曾要求俄冬奧期間勿侵烏 中方斥抹黑〉.{{cite web}}: CS1 maint: url-status (link)
  5. ↑ 〈中港大不同：中國人搶購俄羅斯食品以示支持 港人捐款聲援烏克蘭〉. 《RFI - 法國國際廣播電台》 (繁體中文). 2022-03-04. 喺2022-03-07搵到.
  6. ↑ 自由時報電子報 (2022-03-02). 〈中國首位女星公開反戰！慘被砲轟開嗆小粉紅 官方怒出手 - 自由娛樂〉. 《自由時報電子報》. 喺2022-03-02搵到.
  7. ↑ 7.0 7.1 〈小粉紅喊「進口烏克蘭美女」釀禍 中國留學生竟得「裝日本人」保命〉. tw.news.yahoo.com (中文). 喺2022-02-28搵到.
  8. ↑ 自由時報電子報 (2022-02-27). 〈中國網紅嘴賤留言！烏克蘭媒體報導點怒火 強國留學生怕爆 - 國際〉. 《自由時報電子報》 (中文). 喺2022-02-28搵到.
  9. ↑ 9.0 9.1 〈強國賤嘴引爆排華 中共喉舌反嗆烏克蘭「與中國為敵不會有好下場」 ｜ 蘋果新聞網 ｜ 蘋果日報〉. 《蘋果新聞網》 (臺灣中文). 2022-02-27. 喺2022-02-28搵到.
  10. ↑ 〈陸星被烏克蘭人追殺 27秒驚恐自白〉. hk.news.yahoo.com (中文). 喺2022-02-28搵到.
  11. ↑ 11.0 11.1 〈中港大不同：中國人搶購俄羅斯食品以示支持 港人捐款聲援烏克蘭〉. 《RFI - 法國國際廣播電台》 (繁體中文). 2022-03-04. 喺2022-03-07搵到.
  12. ↑ 施予 (2022-03-04). 〈加拿大駐華大使館聲援烏克蘭 館外標語被噴漆微博遭網民抨擊〉. 《香港01》 (香港中文). 喺2022-03-07搵到.
  13. ↑ 〈【俄國入侵】全球抵制俄羅斯 中國民眾卻搶購俄羅斯產品〉. Radio Free Asia (英文). 喺2022-03-07搵到.
  14. ↑ 〈中港大不同：中國人搶購俄羅斯食品以示支持 港人捐款聲援烏克蘭〉. 《RFI - 法國國際廣播電台》 (繁體中文). 2022-03-04. 喺2022-03-08搵到.
  15. ↑ 15.0 15.1 〈中國被呼籲向好朋友俄羅斯施加壓力促停戰〉. 《RFI - 法國國際廣播電台》 (繁體中文). 2022-03-02. 喺2022-03-02搵到.
  16. ↑ 16.0 16.1 〈俄入侵烏克蘭 全球密切聚焦中共動向 - 大紀元〉. 《大紀元 www.epochtimes.com》 (繁體中文). 2022-02-27. 喺2022-02-28搵到.
  17. ↑ 〈中國外交部稱中俄將繼續展開正常的貿易合作 堅稱對俄制裁是非法〉. 《RFI - 法國國際廣播電台》 (繁體中文). 2022-03-02. 喺2022-03-02搵到.
  18. ↑ Hua, Sha. 〈俄羅斯入侵烏克蘭之際，中國社交媒體充斥著對西方的嘲諷和對台灣的警告〉. 《華爾街日報中文網》 (臺灣中文). 喺2022-02-28搵到.
  19. ↑ 〈烏克蘭該認清了！俄國外交部表態：中國是我們的朋友 | 國際 | | Newtalk新聞〉. 《新頭殼 Newtalk》 (中文). 2022-02-28. 喺2022-02-28搵到.
  20. ↑ 〈中國官方繼續支持俄羅斯入侵？ 英超、德甲竟因聲援烏克蘭被禁播〉. 《winandmac.com 視麥媒體》 (美國英文). 2022-03-05. 喺2022-03-06搵到.
  21. ↑ 〈英超、德甲聲援烏克蘭 內地今週禁播 | 獨媒報導〉. 《獨立媒體》. 2022-03-05. 喺2022-03-06搵到.
  22. ↑ Storm.mg (2022-03-03). 〈141國贊成、5國反對、35國棄權：聯合國大會壓倒性通過「譴責俄羅斯入侵」決議案-風傳媒〉. www.storm.mg (臺灣中文). 喺2022-03-03搵到.
  23. ↑ 〈中國銀保監會正式宣佈不參與金融制裁俄羅斯〉. 《美國之音》. 喺2022-03-03搵到.
  24. ↑ 24.0 24.1 自由時報電子報 (2022-02-28). 〈台灣成功撤僑中國人還在等！中網民狂酸：該不會要蹭人家車吧？ - 政治〉. 《自由時報電子報》 (中文). 喺2022-03-03搵到.
  25. ↑ 〈中國撤僑烏克蘭最新手段曝光 鼓勵自行前往鄰國「沿途注意安全」 ｜ 蘋果新聞網 ｜ 蘋果日報〉. 《蘋果新聞網》 (臺灣中文). 2022-02-28. 喺2022-02-28搵到.
  26. ↑ 〈女留學生落淚求救中國駐烏使館 9分鐘通話揭露零幫助「我要崩潰了」 ｜ 蘋果新聞網 ｜ 蘋果日報〉. 《蘋果新聞網》 (臺灣中文). 2022-03-01. 喺2022-03-03搵到.
  27. ↑ https://www.facebook.com/ETtoday. 〈中國6000人等撤僑！官員認：飛機、租車都很難「日接上千通電話」 | ETtoday大陸新聞 | ETtoday新聞雲〉. www.ettoday.net (繁體中文). 喺2022-03-03搵到. {{cite web}}: |last= has generic name (help); External link in |last= (help)
  28. ↑ 中時新聞網. 〈俄軍攻進烏克蘭 台灣竟登「推特熱搜」 網友反應曝光 - 政治〉. 《中時新聞網》 (中文). 喺2022-02-28搵到.
  29. ↑ 自由時報電子報 (2022-02-25). 〈俄入侵烏克蘭 安倍：預告中國將如何對付台灣 - 國際〉. 《自由時報電子報》 (中文). 喺2022-02-28搵到.
  30. ↑ 歐敬洛 (2022-02-24). 〈烏克蘭局勢｜特朗普警告烏克蘭之後 下一個就是攻擊台灣〉. 《香港01》 (香港中文). 喺2022-02-28搵到.
  31. ↑ 〈今日烏克蘭 明日台灣? 專家 : 美國示弱有危機 北京可能複製攻烏模式 | 國際 | | Newtalk新聞〉. 《新頭殼 Newtalk》 (中文). 2022-02-25. 喺2022-02-28搵到.
由「https://zh-yue.wikipedia.org/w/index.php?title=俄羅斯入侵烏克蘭戰爭入面同中國大陸有關嘅事件&oldid=1940096」收