趙立堅
趙立堅（1972年11月10號—）係中國男外交官，河北唐山人，依家係中華人民共和國外交部新聞司副司長兼發言人，同于敦海、汪文斌同時在任，新聞司司長華春瑩手下[1]。
| 趙立堅 | |
|---|---|
 | |
 中華人民共和國外交部新聞司副司長 | |
現任 | |
| 就任日期 2019年8月 同于敦海、汪文斌同時在任 | |
| 司長 | 華春瑩 |
| 個人資料 | |
| 出世 | 1972年11月10號 中華人民共和國河北唐山 |
| 配偶 | 未婚 |
爭議
編輯趙立堅曾經因為喺Twitter同埋唔同嘅媒體，發表一啲假新聞同埋挑釁性言論，被部份嘅人非議。
美軍幫助武漢肺炎傳播陰謀論
編輯趙立堅曾經聲稱，美軍可能喺武漢肺炎傳播方面發揮咗作用，呢個陰謀論結果畀唔少人批評[2]。
就剝奪香港溫和民主派議員資格事件恐嚇五眼聯盟外長
編輯美國、澳洲、加拿大、新西蘭同埋英國（五國合稱五眼聯盟）嘅外長，喺11月18號就香港問題發表聯合聲明，表示對於北京忽然採用新嘅規則嚟取消4個香港溫和民主派議員嘅資格表示嚴重關切，批評中國違反 具有法律約束力嘅《中英聯合聲明》，亦損害《基本法》呼籲香港人嘅權利。趙立堅之後回應事件，話唔理佢哋有五隻眼定十隻眼，叫佢哋小心自己嘅眼睛被督穿。近年關注香港問題嘅民運人士王丹之後批評，話呢啲係低級粗俗嘅外交語言，用來迎合中國國內愛國憤青同埋底層老百姓嘅閱聽習慣，激發國內民族主義情緒，為進一步向全球擴張，奠定國內嘅民意支持。另外，亦有網民批評呢啲係戰爭挑釁，係黑社會流氓所為[3][4]。
發佈偽造圖片指控澳洲軍隊
編輯2020年11月，趙立堅喺Twitter發布咗一張相，聲稱入面係一名澳洲士兵將刀放喺一個阿富汗兒童嘅頸上面。事件引嚟澳洲反彈，澳洲總理史葛·摩利臣呼籲要將呢張相刪除，又批評中國政府應該為呢個Twitter帖感到萬分羞愧[2][5]。
事件之後發酵，唔同國家，例如法國同紐西蘭都有批評中國嘅做法[6]法國批評中國咁做唔符合國際外交嘅預期，指趙立堅咁做令人震驚，評論帶有偏見，侮辱近20年來所有向阿富汗派遣武裝部隊嘅國家[7]。史葛·摩利臣一度通過微信對事件向澳洲嘅華人直接回應，又話事件唔會削弱大家對澳洲華人社區嘅尊重同讚賞，或者削弱澳洲同中國人民嘅友誼。但係，呢篇文章亦被微信審查，當作違規嘅文章刪除[8]。澳洲國立大學研究澳中關系同中國經濟嘅簡·高利教授（Jane Golley），就話呢件事係中共總書記習近平領導下，戰狼外交嘅升級，又話中國喺度向全世界表明，中國嘗試影響緊世界其他地區，又似乎向世界表示，假如喺人權問題向中國施壓，中國就會為佢哋製造麻煩[9]。
特登扭曲《舊金山和約》同拒絕承認
編輯喺2022年7月5日嘅一個中國外交部記者會裡面，趙話1942年訂嘅舊金山和約係排斥左中共而立嘅「非法條約」，話自己同前蘇聯，波蘭等東歐國家唔會認（但中共果陣仲未立國）；而且佢仲刻意將日本放棄對台灣、澎湖等地行使主權嘅部分，扭曲做係恢復中國對呢啲地方或國家行使主國，仲老屈有關條約違犯國際法[10]。
攷
編輯- ↑ 〈第31任外交部发言人赵立坚！唐山骄傲！_滦南县〉。www.sohu.com (英文)。喺2020-08-06搵到。
- ↑ 2.0 2.1 〈澳大利亞要求中國道歉 稱趙立堅相關推文「不可接受」〉。hk.finance.yahoo.com (中文)。喺2020-11-30搵到。
- ↑ 〈趙立堅："五眼聯盟"小心他們的眼睛被戳瞎〉。《RFI - 法國國際廣播電台》 (繁體中文)。2020-11-19。喺2020-11-30搵到。
- ↑ 〈趙立堅狠嗆「戳瞎」五眼聯盟 王丹酸戰狼外交發言：說給中國人聽的 | 國際〉。《新頭殼 Newtalk》 (中文)。2020-11-20。喺2020-11-30搵到。
- ↑ 持续更新 (2020-11-30)。〈今日要闻："深深冒犯"——莫里森要求中国就赵立坚推特道歉〉。《ABC中文》 (中國中文)。喺2020-11-30搵到。
- ↑ 作者：熱血編輯部12-02-2020。〈趙立堅譴責澳洲軍人屠殺 法國紐西蘭批與事實不符〉。www.passiontimes.hk。喺2020-12-03搵到。
- ↑ 〈【中澳關係】趙立堅推文風波發酵 中方斥法國表態令人反感 - 香港經濟日報 - 中國頻道 - 國情動向〉。china.hket.com。喺2020-12-03搵到。
- ↑ 〈澳洲總理微信不僅會被刪帖，還可能被封號〉。SBS Your Language (繁體中文)。喺2020-12-03搵到。
- ↑ 〈中國"戰狼式"外交緣何升級至推特？專家："重新引導話語"〉。SBS Your Language (繁體中文)。喺2020-12-03搵到。
- ↑ 〈外交部：中方在釣魚島海域執法正當 涉台《舊金山和約》無效〉。《巴士的報》 (繁體中文)。喺2022-07-05搵到。