俄羅斯戰艦，屌你

俄羅斯戰艦，屌你（俄文：Русский военный корабль, иди на хуй，）係一句喺2022年2月24號俄羅斯入侵烏克蘭蛇島戰役中，駐守蛇島嘅烏克蘭邊防人員對俄羅斯莫斯科號飛彈巡洋艦招降嘅回應。呢一句話被視為大膽嘅表現，喺網上廣傳，成為烏克蘭支持者同埋反戰嘅人嘅口號，亦係像徵烏克蘭反對俄羅斯入侵嘅鬥爭標誌之一。

起源

2022年2月24號下晝六點，黑海蛇島被俄羅斯海軍襲擊，網上廣傳開火前嘅呢一段對話。

一艘俄羅斯軍艦接近蛇島，向駐守蛇島烏克蘭邊防人員講：

蛇島，我係一艘俄羅斯戰艦，我建議你哋放低武器投降，否則我哋會開火，聽唔聽到？

烏克蘭邊防人員聽到之後，將咪嘅聲量調高，向對方大叫：

俄羅斯戰艦，屌你！（俄文: 'Русский военный корабль, иди на хуй'）

對話後無耐兩艘俄羅斯戰艦向蛇島開火，當日傍晚時分島上部隊失去聯繫。

使用

哥倫布嘅示威

烏克蘭聶伯河畔印有「俄羅斯軍艦，屌你」口號嘅廣告牌。

事後唔少反俄入侵嘅人利用呢一句話做口號。

2022年2月26號，烏克蘭軍隊炸咗連接烏克蘭鐵路同埋俄羅斯鐵路之間嘅鐵路樞紐，阻止俄羅斯鐵路公司向烏克蘭運送俄羅斯軍隊設備同人員。俄羅斯鐵路方面要求烏克蘭出於人道主義恢復樞紐，烏克蘭嘅調度員就話：「俄羅斯火車，屌你！」而烏克蘭軍隊為咗令入侵嘅俄羅斯士兵蕩失路，將烏克蘭原有嘅路牌拆除，換做寫咗粗口嘅路標，「屌你」呢句話鑲嵌喺路牌上。

烏克蘭郵局發行嘅郵票，郵票入面嘅人向莫斯科號舉中指

呢一句話亦喺烏克蘭唔少廣告牌同埋告示牌上顯示。