22°25′19″N 114°01′48″E / 22.42194°N 114.03000°E / 22.42194; 114.03000
俊芳程公祠喺香港新界元朗十八鄉水蕉新村9號，喺1940年代由俊芳祖嘅後人起，祠堂門聯用「俊、芳」鶴頂格局寫住：「俊傑承先祖，芳徹啟後人」，意思係家族承前繼後，表現出飲水思源嘅美德，直到而家，芳程祖嘅後人已延續到第七代。而家程氏族人仍然維持喺宗祠裏面舉行紅白事嘅儀式，例如傳統結婚上頭同男丁辭世嘅靈位上位儀式。喺2010年8月31號被評為香港二級歷史建築。
