信德中心
信德中心（英文：Shun Tak Centre）係香港上環一座樓。佢嘅前身係港澳碼頭 (HMF)，收尾由信德集團加建兩幢寫字樓同埋基座商場。而家信德中心東座叫招商局大廈，由中資國營背景嘅招商局集團命名。信德中心商場有3層，樓下地面係的士站同埋公共停車場，之間有富臨海鮮酒家同埋澳門賽馬會會所、美心快餐、麥當勞同埋時裝店咁。信德中心嘅人流主要嚟自來往澳門過海關嘅旅客。
港澳碼頭 編輯
内文：港澳碼頭 (香港)
嚮信德中心出面海邊有一座建築物，就係港澳碼頭，之間有一條行人天橋，設置船飛入閘口（禁區）。港澳碼頭大樓入面，有香港海關e-道，同埋乘客等船區，貴賓房。港澳碼頭開設十幾個碼頭泊位，跨境渡輪除咗去澳門重有去蛇口。港澳碼頭大樓天台設計為直升機場。
想買去澳門嘅船飛，要先去信德中心2樓售票處買，嗰度有幾間船公司，包括中旅社金光飛航。其實買「即開」船飛會有特價。以前有隻黃牛飛，而家反而平幾蚊。
相集 編輯
-
商場內景 -
天台機場
