俾士

佐治俾士（英文：George Piercy, Junior）係英國裔香港教育家，香港拔萃男書院嘅第二任校長，喺廣東廣州出世。家陣拔萃男書院嘅校名「拔萃」就係「俾士」嘅諧音。因為響嗰個時代，學校，尤其係名校，嘅中文名通常係校長個名嘅譯名，所以拔萃男書院嗰陣時叫「俾士書院」，後來拔萃校方覺得俾士個名唔好聽，所以轉做「拔萃」。

俾士個老豆都係叫佐治俾士（Rev. George Piercy），佢係一個牧師。因為俾士同佢老豆撞名，所以俾士又叫細俾士（George Piercy Junior）。俾士其中一隻腳係瘸嘅。

俾士做校長嗰陣，拔萃男書院發展速度超快，學生數量多咗好多。

為咗紀念俾士，拔萃男書院成立咗俾士社（Piercy House），俾士社嘅代表顏色係深藍色。