傭兵戰爭第一次布匿戰爭後期幫迦太基打仗嘅一班僱傭兵因為軍餉問題而發起嘅兵變,由前241年打到前238或前237年。

戰事除咗喺迦太基城鄰近地方打之外,喺薩丁島嘅駐軍都參與叛變,並殺咗島上嘅迦太基人,隨後薩丁島原住民趕走咗啲叛軍,並向羅馬求援。

迦太基平定呢場兵變之後,羅馬準備派兵去原屬迦太基嘅科西嘉島同埋撒丁島,同時迦太基亦準備派兵收返撒丁島。羅馬元老院視後者為打仗理由,要求迦太基割讓呢兩個島同埋畀另一筆賠款。