羅馬共和國，正式嘅名係「元老院同羅馬人民」（S.P.Q.R.），係古羅馬嘅一個時期，由前509年羅馬人民趕走羅馬王國君主羅斯亞斯·他卡尼互斯·蘇巴巴斯（Lucius Tarquinius Superbus）到前27年凱撒大帝個養仔屋大維稱帝為止。羅馬共和國開創共和制，元首係兩位羅馬執政官（英文：Roman consul），由元老院同人民大會（英文：Roman assemblies）去決定人選。
羅馬共和國由兩個執政官（Consul）領導，執政官由元老院成員選出。羅馬共和國設有護民官（英文：Tribune）（Tribune），如果護民官反對一項政策，嗰項政策就會撤銷，目的係保障羅馬平民。
