耶穌
搵緊英文Jesus嘅譯名嘅話，請睇「芝沙斯」。
耶穌（粵拼：je4 sou1，希臘文：Ιησούς，前6年至前4年—30年）係基督教教義嘅中心人物，相傳係大衞王嘅後代，阿爸係鬭木佬約瑟（天主教譯做「若瑟」），阿媽叫馬利亞（天主教譯做「瑪利亞」），大約生活喺1世紀。
| 耶穌 | |
|---|---|
 | |
| 姓名原文 | ישוע |
| 出生日 | c. 5年 BC  |
| 出生地 | 白冷城 |
| 死亡日 | 30年4月7號、33年4月3號 （-1992歲） |
| 死亡地 | Calvary (羅馬帝國) |
| 死因 | 釘十字架 |
| 國籍 | Herodian Kingdom of Judea |
| 母語 | Galilean dialect |
| 識嘅語言 | Galilean dialect、Biblical Hebrew、Koine Greek |
| 信奉 | 猶太教 |
| 母校 | 未知 |
| 職業 | preacher、先知、鬭木師傅、拉比、thaumaturge、religious leader、healer、默西亞、preacher、先生、father of faith、tektōn |
| 風格 | 比喻 |
| 僱主 | 未知 |
| 名作 | 耶穌嘅神蹟、prayers of Jesus、耶穌嘅比喻 |
| 配偶 | 未知 |
| 家族 | Holy Family |
| 阿爸 | 聖若瑟、聖父 |
| 阿媽 | 聖母瑪利亞 |
| 兄弟姊妹 | 未知、James the Just |
[改維基數據] | |
| 宗教系列 基督宗教 | |
| |
| 基督教史 基督教發展時序 耶穌基督 耶穌十二門徒 大公會議 大分裂 十字軍東征 宗教改革與更正教 中國基督教 中國基督教史 | |
| 三位一體 聖父 聖子 (神學) 聖靈 | |
| 基督教神學 基督教會 禮拜 聖恩 · 救贖 登山寶訓 十誡 | |
| 聖經 舊約 新約 正典 次經 偽經 和合本修訂版 | |
| 基督教派 天主敎 東正教 聖公宗 新教 東方正統教會 東方亞述教會 基督教運動 | |
耶穌嘅尊稱叫基督（希臘文：Χριστός，意思係 ｢受傅者｣），所以喺基督教入面，耶穌又叫做耶穌基督（Ιησούς Χριστός / Iēsous Christos），基督徒認為佢係三位一體嘅聖父聖子聖靈之中嘅聖子，又係救世主。由於佢喺拿撒勒長大，因此亦有人叫佢做拿撒勒人耶穌。唐時嘅景教譯做移鼠、翳數[1]，傳入中土嘅摩尼教譯夷數、夷數和，東正教又譯伊伊穌斯。
佢稱呼自己為神嘅僕人。最後，為咗人嘅罪而死喺十字架上面，並喺第三日復活，成為基督徒成日講嘅永生神。
族譜改
| 亞當 | 塞特 | 以挪士 | 該南 | 瑪勒列 | 雅列 | 以諾 | 瑪土撒拉 | 拉麥 | 挪亞 | |||||
| 挪亞 | 閃 | 亞法撒 | 沙拉 | 希伯 | 法勒 | 拉吳 | 西鹿 | 拿鶴 | 他拉 | 亞巴郎 | ||||
| 亞伯拉罕[註 1] | 以撒 | 雅各 | 猶大 | 法勒斯 | 希斯崙 | 亞蘭 | 亞米拿達 | 拿順 | 撒門 | 波阿斯 | 俄備得 | 耶西 | 達味 | |
| 大衛 | 所羅門 | 羅波安 | 亞比雅 | 亞撒 | 約沙法 | 約蘭 | 烏西雅 | 約坦 | 亞哈斯 | 希西家 | 瑪拿西 | 亞們 | 約西亞 | |
| 約西亞 | 耶哥尼雅 | 撒拉鐵 | 所羅巴伯 | 亞比玉 | 以利亞敬 | 亞所 | 撒督 | 亞金 | 以律 | 以利亞撒 | 馬但 | 雅各 | 約瑟 | 耶穌 |
生平改
關於耶穌嘅生平，主要嘅資料主要來源係根據《新約聖經》嘅四福音書，不過喺羅馬帝國時代嘅歷史文獻上就只係有零星嘅側面記載，就係因為咁所以存在住好多相關爭議。
降生成為人改
根據路加福音，天使加百列奉神嘅差遺，去到加利利嘅城市，童貞女馬利亞嗰度，同佢預告耶穌嘅降生。但嗰時佢已經同大衛家族嘅約瑟訂咗婚，根據馬太福音，約瑟曾經因為馬利亞嘅肚而想將佢休咗，但因為主嘅使者勸說先至就咁算數。根據路加福音嘅記載，因應當時嘅人口普查，約瑟帶住懷孕嘅馬利亞去婭伯利恆，並喺馬槽度生咗耶穌。
耶穌降生嗰時係有訪客嘅，路加福音有講過牧羊人嘅拜訪，馬太福音就有講東方嘅博士帶住禮物隨住嚟拜訪。當晚，根據馬太福音，約瑟帶住馬利亞同耶穌逃去埃及，直到大希律王死咗之後先至返去以色列，喺拿撒勒度住；根據路加福音，耶穌同父母一直都住喺以色列，並響八日之後行割禮，冇幾耐就返去拿撒勒定居。
耶穌到咗30歲，就接受施洗約翰嘅施洗，並喺曠野接受四十日嘅試探，之後就開始喺故鄉加利利一帶開始佢嘅傳道工作，並喺信徒當中親自揀咗12個人成為十二門徒。
生平事跡改
耶穌主要嘅生平事跡都記載喺四福音書入面。根據福音書入面嘅記载，佢喺大概公元28年或者29年，喺約旦河受咗施洗約翰嘅水浸禮後，就開始喺成個以色列同猶大傳道，主要係宣揚神的國嘅信息，周圍去醫病同驅鬼，喺傳道嘅過程入面佢不斷指責啲猶太嘅宗教領袖同祭司違背《舊約聖經》入面嘅誡命嘅精神，違背神嘅意志，必定受到神嘅懲罰。當中亦都有挑戰猶太嘅傳統，而宣稱自己係神個仔[5]亦無辦法俾當時嘅人所接受。
但係希伯來聖經（《舊約》）曾經預言到有一個默西亞就快嚟到呢個世上，而且好多以色列人都知道耶穌所在嘅時間正係預言應驗嘅時候，佢哋好盼望以色列嘅救世主嚟到，可以令佢哋擺脫羅馬人嘅奴役。因為咁樣耶穌嘅門徒亦都逐步認識到佢係默西亞。耶穌嘅門徒喺書信中認為，耶穌喺傳道嘅過程中對人嘅體恤同關懷正係反映神對人嘅態度，亦為佢嘅門徒作出榜樣。四福音書入面嘅耶穌提出咗好多崇高嘅道德標準，並且指出，佢嘅門徒應該互相愛護，唔互相敵視同殘殺。佢亦警告門徒提防關於分黨結派等現象。
耶穌喺短短嘅3年半左右嘅時間入面主要喺北方嘅加利利海地區傳道。迦百農係佢主要嘅活動城市。
耶穌嘅史實性改
耶稣無喺世上留低任何著作。佢嘅事迹同教誨主要留喺福音書入面。
目前學術界對耶穌嘅生平記載有以下睇法[6]：
- 福音書係有關耶穌生平嘅最主要嘅或者唯一嘅記載，喺福音書之外無可靠嘅記載。而伊斯蘭教嘅經典古蘭經入面有關耶穌生平嘅內容，就一如以往咁畀學術界無視，參考吓都唔會。
- 信唔信耶穌嘅存在，主要取決於喺幾大程度上信福音書嘅記載。
目前入落新約嘅福音書有四篇：《馬太福音》、《馬可福音》、《路加福音》同《約翰福音》，佢哋都畀天主教會認為係耶穌嘅門徒或者門徒嘅門徒寫，不過真實作者嘅身份，目前重未查明，論者認為耶穌門徒都係猶太人，應該用希伯來語作，但係福音書係用希臘文寫成，但係都否定唔到作者捨母語而用當時通行嘅希臘文寫作嘅可能。
攷改
- ↑ 吳昶興 (2015年5月29號). 《《眞常之道：唐代基督教歷史與文獻研究》》. 基督教學術叢書/論著系列.第11卷. 新北市: 台灣基督教文藝出版社. p. 254. ISBN 978-986-61-3129-5.
在景教寫本《序聽迷詩所經》中曾出現「移鼠」，《一神論》出現「翳數」，皆為「耶穌」一名在唐代的漢譯。
- ↑ 〈創世紀 五:1-32〉. 原著喺2014年6月2號歸檔. 喺2013年8月12號搵到.
- ↑ 〈創世紀 十一:10-26〉. 原著喺2014年6月5號歸檔. 喺2013年8月12號搵到.
- ↑ 〈馬太福音 一:1-16〉. 原著喺2013年11月11號歸檔. 喺2013年8月12號搵到.
- ↑ 路加福音 22:70
- ↑ 人物專訪:方舟子論基督教方舟子 (新語絲網站)
註解改
| 維基同享有多媒體嘅嘢： Jesus Christ |
| 維基同享有多媒體嘅嘢： ישוע |