元善見

元善見（524年—551年），係東魏唯一皇帝，魏孝文帝元宏嘅曾孫（清河文獻王元懌嘅孫仔，清河文宣王元子亮個仔），534年到550年在位，跟謚號叫魏孝靜帝。

永熙三年（534年）七月，魏孝武帝元修出走洛陽，投靠喺長安嘅北周文帝宇文泰。十月，經過北齊神武帝高歡同埋百官嘅詳細商議後，決定立元善見做皇帝，即位喺鄴城東北，改年號叫天平，東魏正式建立，年僅十一歲。由於年紀太細嘅關係，由權臣高歡輔政。佢始終係傀儡皇帝，550年，高洋建立北齊，元善見被降呢做中山王，第二年被高洋用毒酒毒死。