元朗舊墟大王廟
22°26′50″N 114°01′57″E / 22.44722°N 114.03250°E
大王廟又叫做大王古廟，喺香港新界元朗舊墟裏面嘅長盛街，康熙八年（1669年）鄧文蔚「由大橋墩遷墟元朗，併建大王古廟。」，道光十七年（1838年）進行過重大修葺。大王廟供奉洪聖王同楊侯公。
康熙時實施「遷海」政策，元朗墟搬咗去茅洲嗰邊，及後復墟，墟民又將茅洲嘅南海洪聖大王請到元朗。民間稱南海神為廣利洪聖大王，每年嘅農曆二月十三日就係南海神誕。廟內有五塊碑刻，記載咗元朗墟嘅建立同埋演變過程。大王廟係一進兩合式嘅傳統建築，廟內有個鼓，鼓皮被整爛以減輕鼓聲，以免嚇壞細路。大王廟由南邊圍管理。
大王廟係當年元朗舊墟嘅政治同宗教信仰中心，至今元朗建醮（十年一次的打醮），仍然定喺該廟內舉行祭神儀式。
喺1994年被評為香港一級歷史建築，2009年12月18號確定評級。
參考
編輯- 《新界宗族文化之旅》，嚴瑞源編著，萬里書店，ISBN 962-14-2936-6