元謀人

元謀人係中國境內發現最早嘅一種直立人化石。1965年中國地質科學院嘅地質學家喺雲南元謀上那蚌村發現兩粒同一個男人內側門齒化石，所以就起咗個名叫做「元謀直立人」。

根據古地磁測定，確定元謀人係喺170萬年前嘅人，不過又有啲學者認為，佢嘅年代唔應該超過73萬年，即可能係離而家60萬至50萬年或再遲啲。喺元謀人附近一齊掘出嚟哺乳動物化石，反映同元謀人同時代嘅有尼河灣劍齒虎、桑氏縞鬣狗、雲南馬、中國犀等29種，所以咁樣計，元謀人唔會遲過早更新世。