化石

化石faa3 sek6係好耐以前啲生物喺石頭留低嘅痕跡、印記，可以分為三類：

• 實體化石，例如恐龍骨同蛋，或者係冰封嘅長毛象屍體
• 模鑄化石，即係倒模，又或者礦物替代咗嘅骨架、貝殻、以至碳化嘅木
• 遺跡化石，例如恐龍腳印同屎

魚化石

佢哋通常喺缺氧而平靜嘅環境形成，而多數喺沉積岩搵到。因為咁，佢哋可以提供岩石年齡、古代環境，以致生物演化嘅重要資訊同證據。

活化石係指經歷漫長地質歷史仍然冇點改變型態，但係仍然存在嘅生物，例如鸚鵡螺同桫欏。