光復路 (廣州)

  呢篇文講廣州市嘅光復路。想搵其它城市嘅光復路嘅話，請睇光復路。

  呢篇文講1968~1981年期間，嗌過「光明路」嘅道路。想搵而家廣州市嗌緊「光明路」嘅馬路嘅話，請睇光明路 (廣州)。

光復路（粵拼：gwong1 fuk6 lou6）係中國廣東省廣州市嘅南北走向馬路，喺荔灣區入面。南邊從槳欄路嗰度開始，一直向北到西華路同第一津街嘅交界。

光　复　路 GUANGFU ROAD

性質： 一般馬路 全長： 1.8公里 行車線： 雙向2車道 從北向南行嘅單行線 地區： 廣州市荔灣區 起點： 槳欄路 終點： 西華路同埋第一津街嘅交界 主要建築： 安富花園 西門口廣場

概要

全長1.8公里，闊12米，雙向2車道。馬路分成南、中、北三段。成條路係從北向南行嘅單行線。

光復路嘅三條道路，起點到終點

• 光復南路：從槳欄路開始，一直去到上九路。
• 光復中路：從上九路開始，一直去到龍津東路。
• 光復北路：從龍津東路開始，一直去到西華路同埋第一津街嘅交界。

史

呢條路以前最先係因為整銅嗰行出嗮名嘅，所以就嗌咗「打銅街」呢個名。到咗民國十五年（1926年）就整闊咗條馬路，為咗紀念辛亥革命成功推翻咗清朝嘅關係，先至改咗名叫「光復路」。而嗰陣時嘅「打銅街」（依家係光復南路嗰度）唔係好長，凈係得長375米，闊12米噉短。而光復北路以前係第三甫、第四甫同第五甫；光復中路以前係第六甫、第七甫、第八甫都係喺民國廿年（1931年）嗰陣，就整咗條馬路出嚟。喺文化大革命嗰陣，光復路呢條路係嗌咗「光明路」呢個名（其中光復南路係嗌「光明南路」、光復中路係嗌「光明中路」、光復北路係嗌「光明北路」），到咗1981年，呢條路就重新改返原嚟之前嘅名，啫係依家嗌「光復路」。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 槳欄路
• 上九路
• 長壽東路
• 龍津東路
• 中山七路
• 西華路、第一津街