槳欄路
23°6′53.4″N 113°14′46.2″E / 23.114833°N 113.246167°E
| ||||||||||||||||
| ||||||||||||||||
槳欄路（欄字有變讀，粵拼：zoeng2 laan1 lou6）係中國廣東省廣州市荔灣區嘅一條普通馬路，成條馬路係東西走向。西邊從楊巷路、長樂路同埋十八甫路嘅交界開始，一直向東去到和平東路嗰頭。
概要
編輯全長302米，闊12.5米，1——2車道。成條路係單行綫，喺光復南路嘅西邊凈係可以從東邊向西邊行，喺光復南路嘅東邊凈係可以從西邊向東邊行。
史
編輯睇埋：槳欄街
呢度喺以前嗰陣係重未有馬路嘅。1873年，有位嗌莊湯臣嘅蘇格蘭佬出版咗《中國同埋中國人嘅畫報》，從入面列出嘅嗰啲相可以好清晰噉睇到，呢度以前係條藥舖街。而清朝宣統年嘅《南海縣誌》就話，響嗰陣時唔嗌「槳欄路」，而是嗌「漿欄路」，嗰陣重係條巷仔添。到咗民國嗰陣，槳欄路就變城藥舖街。因為喺輪渡出現咗之後，槳就變咗水上嘅其中一種「兵器」，佢喺市場入面就冇嗮意義喇，所以．喺醫藥舖嘅生意開咗之後，就變咗條藥街喇。而呢筍嘢一直持續到解放之後。[1]
到咗20世紀80年代嗰陣，槳欄路又變咗條賣衫街，重要係專門賣童裝嘅。喺20世紀90年代開始無耐，由於光復南路口嘅東邊嗰截嘅槳欄路改咗凈係可以從西邊行到東邊，搞到好多運衫車都入唔到槳欄路，於是啲舖入唔到貨。不過廣州市政府就喺家陣嘅人民南路嗰邊開咗個童裝市場。結果全部童裝生意搬出嗮槳欄路。後嚟啲人喺槳欄路入面辦咗布匹同埋服裝輔料嘅批發舖頭。
經過嘅道路
編輯呢度啲路嘅順序係從西去到東嚟排嘅，其中加粗咗嘅字係主幹道：
註
編輯- ↑ 〈【即將消逝的行業·行業街· 槳欄路】 商海中的一條小船〉。原著喺2016年3月5號歸檔。喺2014年4月23號搵到。