光輝歲月 (遊戲)

光輝歲月係一個手機遊戲系列，分為網絡遊戲同互動電影，由拉闊遊戲（Lakoo）負責製作及營運，九龍尼亞（Kowloonia）負責劇作及美術^[1]。

故事設定

遊戲以一個喺平行時空入面嘅香港作為背景^[2]。遊戲入面，「地產黨」剛絕香港人，一個叫做「黑紫荊」嘅財團控制住香港。「黑紫荊」用佢哋嘅財力、影響力、同埋爛仔手段打壓反對佢哋嘅人。「黑紫荊」謀取暴利嘅同時往往直接或間接影響市民嘅衣食住行，令市民生活飽受壓力。

主角王一心係一個喺佛山出生嘅少女，佢自細學習拳術，故事開始前無耐移居香港。^[3]。隨住故事發展，王一心會遇上其他遊戲角色，並且逐漸認清「黑紫荊」嘅惡行，繼而參與對抗「黑紫荊」嘅革命活動。

《光輝歲月》係一個動作遊戲，背景畫面以香港舊地方為主，例如九龍城、中環皇后碼頭；多數登場角色亦以八、九十年代港產片曾經出現過嘅角色為藍本，例如陳刀仔、如花、龍婆；遊戲入面亦有好多富香港特色嘅道具，例如山楂餅、孖條、《不文集》、《奪標》雜誌、梁蘇記雨遮。^[4]。

《光輝歲月 1988》係一套互動電影。以王一心、小志強、同國雄對抗「黑紫荊」嘅故事為主^[5]。

呢篇光輝歲月 (遊戲)係一篇關於電子遊戲嘅楔位文章。你可以編輯呢版充實內容。