格羅諾斯(古希臘文:Κρόνος;拉丁文:Kronos,英文:Cronus,台灣譯克洛諾斯、大陸譯克羅洛斯)係希臘神話嘅神,亦係第一代泰坦神嘅領袖兼最後生嗰位,由烏拉諾斯蓋亞生。

克洛諾斯

經歷 編輯

格羅諾斯係天空之神烏拉諾斯同埋大地女神蓋亞最細個仔。

後嚟因為烏拉諾斯覺得自己其中六個仔女(即三個獨眼巨人同埋三個百臂巨人)生得太樣衰,所以佢將呢六個仔女全部打入塔爾塔羅斯(即係地獄)。呢六個仔女響個度過得好辛苦,做人阿媽嘅蓋亞唔忍心睇到咁樣,所以佢要求其他仔女出面作反,但係差唔多全部仔女都唔夠膽做,淨係得最細嘅格羅諾斯夠膽。於是蓋亞將一把鐮刀畀咗佢,當烏拉諾斯同蓋亞同床嘅時候,格羅諾斯用鐮刀將老豆個條陰莖砍咗落嚟,拋入海入面,而烏拉諾斯之後走咗去天空上面一去不回。臨走之前,佢對克洛諾斯落咗一個詛咒,而呢個詛咒就係第日嘅阿特拉斯要頂住個天。

後嚟格羅諾斯結婚生仔,但係佢又驚佢啲仔女第日會取代自己個位,所以佢食嗮啲仔女落肚。老婆蕾亞唔忍心再畀格羅諾斯食嗮啲仔女,所以響第六個仔出世之後用石頭調包,所以呢個仔就生存到落嚟,而呢個仔就係宙斯。宙斯大個仔之後,由老豆個肚入面救返之前畀佢食咗嘅大佬同埋家姐,所以佢哋聯埋一齊打老豆。

十年之後,宙斯同埋大佬家姐響蓋亞、百臂巨人幫助底下,終於打低咗格羅諾斯,之後佢將格羅諾斯封咗入塔爾塔羅斯,但係唔知點解,後嚟格羅諾斯竟然走咗佬。

屋企 編輯

第一任:阿芙蘿迪蒂

  • 大仔:波托斯

第二任:菲蕾拉

第三任:蕾亞