全北現代汽車足球會

全北現代汽車
전북 현대 모터스 FC
外文全名	全北現代汽車足球會; 全北現代 모터스 蹴球團; 전북 현대 모터스 축구단
花名	綠戰士（녹색전사/綠色戰士）; Mad Green Boys
創會	1994年12月
主場	全州世界盃體育場 ; （容納人數：42,477人）
波士	現代汽車
主席	鄭義宣
打緊聯賽	經典K聯賽
網	球會網站
主場波衫	File:Kit socks jeonbuk20A.png 作客波衫

全北現代汽車足球會（粵拼：cyun4 bak1 jin6 doi6 hei3 ce1 zuk1 kau4 wui6*2）（韓文：전북 현대 모터스 FC／全北現代모터스 FC^{Jeonbuk Hyeondae Moteoseu FC}）；兩廣簡稱全北現代（cyun4 bak1 jin6 doi6）；港澳簡稱全北汽車（cyun4 bak1 hei3 ce1）；球迷會叫佢全北FC（cyun4 bak1；전북 FC），係南韓足協屬下嘅一間足球會，喺1993年1月成立，總部喺韓國全羅北道全州市，主場係全州世界盃體育場。2016年11月27號晚黑攞咗第二次亞冠冠軍後，成為亞冠改革有史以嚟，繼廣州恆大後第二隻有2屆亞洲冠軍嘅東亞足球會。

史

全北現代汽車1993年1月16號喺全州成立，嗰時係叫「完山美洲豹」（韓文：전북 버팔로），佢重係嗰時韓國職業足球聯賽（而家係經典K聯賽）第一支用主場所在地嚟做足球會名嘅會隊。

喺足球會成立無耐就借住機會嚟推廣到成個韓國嘅足球界入面，但完山美洲豹就快破產，有好多企業諗住嚟接呢間足球會嘅經營權，後嚟有間喺完山當地嘅酒廠接咗呢間足球會嘅經營權先至唔使破產。喺1994年2月16號嘅K聯賽（而家係經典K聯賽）開波之前，足球會改名做「全北水牛」（韓文：전북 버팔로로），而財務方面重係冇乜變，重係差唔多破產咁滯。

1994年11月現代汽車接手全北水牛嘅經營權，足球會喺1994年12月12號改名做而家嘅「全北現代汽車足球會」（韓文：전북 버팔로）。

呢間足球會最巴閉嘅戰績係攞咗2006、2017年嘅亞洲冠軍盃冠軍，亦喺2006年世界球會盃攞咗第三。

雖然球會喺2016年攞咗亞冠同國內聯賽亞軍，但由於國內聯賽爆發受賄醜聞而震驚國內同全亞洲足壇。2017年1月18號，南韓足協同亞足聯決定取消佢參加2017年亞冠資格。