全民健身日

  提示：呢篇文講嘅唔係全民運動日。

 全民健身日（粵拼：cyun4 man4 gin6 san1 jat6） 係中國內地嘅全民運動宣傳日，喺每年8月8號辦。中國內地政府辦呢個紀念日係為咗紀念2008年嘅北京奧運會成功舉辦。嗰日各大城市嘅體育運動場館將會免費開放。

由來

中國內地政府喺1995年推行《全民健身計劃綱要》之後開咗好多次全民健身周或全民健身月活動，但國家體育總局群體司長盛志國話將全民健身日同有咗嘅全民健身活動合埋一齊重搞創新。後嚟國家體育總局長劉鵬喺十七大嘅新聞發佈會話體育嘅根本目標係滿足大多數人民群眾日益增長嘅強身健體需求。由於2008年北京奧運會成功舉辦，重好大噉激發咗億萬人民群眾嘅體育熱情而加強咗全社會嘅體育意識。劉鵬重希望8月8號呢日每位仁兄都可以喺自己所在地做體育健身活動。群眾喺北京奧運會舉辦完之後越嚟越重視體育。最後國務院喺2009年1月7號嘅二次全會決定咗每年8月8號係全民健身日。

撈稿

全民健身日嘅撈稿出喺黑龍江省牡丹江市嘅市民——殷茂臻嘅手頭，佢設計嘅撈稿圍繞咗8月8號嘅兩個「8」字，整出兩個向住陽光、有活力、青春無限、奮發向上同現代化嘅男女健身圖，既體驗咗直觀垂範嘅效果，又可以向全民傳遞咗「人人參加健身兼受益，日日健身兼快樂」嘅理念。

口號

全民健身日嘅口號喺「天天健身，天天快樂」、「好體魄，好生活」同「全民健身，你我同行」三句。