公主嫁到

《公主嫁到》（英文：Can't Buy Me Love），係香港無綫電視一套電視劇，2010年喺翡翠台首播，長32集，由佘詩曼、陳豪、鍾嘉欣、黃浩然、陳法拉、馬國明主演。

呢套劇嘅演員班底同造型，都同《宮心計》非常相近，兩者都以唐朝做背景，當時甚至有啲媒體形容佢係《宮心計2》。不過，《公主嫁到》係一套喜劇，而且故事同《宮心計》完全無關。但係《公主嫁到》入面亦的確將《宮心計》嘅插曲《風車》進行咗一啲二次創作，喺故事入面用嚟諷刺包括佘詩曼在內嘅一班刁蠻公主。