公共交通費用補貼計劃

公共交通費用補貼計劃Public Transport Fare Subsidy SchemePTFSS),係香港2017年由時任行政長官林鄭月娥提出嘅一項社會福利政策,為每月公共交通開支水平超過400蚊港紙嘅市民提供交通費補貼,唔設入息審查,估計有超過200萬市民受惠。計劃喺2019年1月1號開始推行。

公共交通費用補貼計劃嘅指定車船票自助登記站同埋補貼領取站

呢個計劃唔使申請,無年齡同入息限制,只需要用八達通畀交通費就得。市民只要用同一張八達通喺同一個月入面指定公共交通實際開支超過400蚊,超出嘅部份就由政府提供25%,每月上限300蚊。指定嘅車飛同船飛嘅開支亦可以自行登記落八達通度計。

適用嘅公共交通包括港鐵、專營巴士、綠色專線小巴、渡輪、電車,同埋一部份嘅紅色小巴、街渡、邨巴同員工巴士。

如果嗰個月符合攞補貼嘅資格,由下一個月16號開始三個月內,可以到港鐵站、輕鐵客務中心同指定渡輪碼頭嘅補貼領取站;7-ElevenCircle K惠康超級市場;八達通服務站或者八達通手機應用程式拍卡攞補貼。

參考 編輯

出面網頁 編輯