冇機場國家一覽

一般嚟講，全球大多數國家都有機場嚟畀飛機升降往返。不過到而家爲止，唔係各國國家及地區都有機場做標配。呢度寫嘅係邊啲國家及地區冇機場：

完全承認嘅國家地區

全球有5個承認嘅國家地區，境內冇機場：

國家	最近有機場喺邊	幾遠	註
安道爾	西班牙加泰隆尼亞萊里達省艾特烏赫爾	12km	雖然境內冇機場，但有三個私人直升機場，其一限醫院用。
	法國奧斯坦尼大區奧德卡卡桑	96km
聖馬連奴	意大利愛美利亞－羅曼尼亞大區里米尼	15km	雖然境內冇大型機場，但有一直升機場同埋一細型機場。而細型機場淨限聖馬連奴飛行會啲飛機發燒友玩。
梵蒂岡	意大利拉素大區羅馬	31km	雖然境內冇大型機場，但喺境內西邊角落頭有直升機場，淨畀梵蒂岡當地啲紅衫主教同領袖、政要用。
摩納哥	法國普羅旺斯－阿爾卑斯－蔚藍海岸尼斯	29km	雖然境內冇機場，但係有一直升機場。
列支敦士登	德國巴登－烏騰堡腓特烈港近博登湖邊	57.6km	雖然境內冇大型機場，但喺巴爾策斯有間直升機場響度。當地啲公民成日搭長途巴士或火車出其它地區（計埋出國）。
	瑞士聖加侖州塔爾	38.8km

唔承認嘅國家地區

非自治領土

全球有2個非自治領土，境內冇機場：

非自治領土	所屬政權	點解
托克勞	紐西蘭	境內唔單止冇機場，相反連直升機場都冇。往返群島同出去其它地區都要靠揸或搭跨海輪渡先至得。
皮卡恩群島	英國	南太平洋群島地區，境內人口先至唔夠100人。島內設施超級落後，咪話機場，連直升機場同正規嘅碼頭都冇。人或貨物出入境要撐艇或揸風帆，重要喺邦迪灣嗰邊上落先至得。

蚊型國家

蚊型國家一般係食自己，好多時冇機場，即使係起到直升機場或有自己嘅出入港碼頭已經係好唔錯嘅事。

• 摩洛西亞
• 西崙公國
• 西南極大公國
• 塔羅薩王國
• 英屬西佛羅里達自治領

註同攷

註

攷