冒險王衛斯理

《冒險王衛斯理》（英文：The Great Adventurer Wesley）係2018年網絡電視劇，由中國大陸嘅愛奇藝同香港嘅星王朝合拍，故仔係由香港科幻作家倪匡科幻小說《衛斯理系列》改編創作，一共有三季：《支離人》、《藍血人》、《無名髮》，由余文樂、胡然領銜主演。呢套劇安排響愛奇藝、myTV SUPER同無綫電視翡翠台播。

無綫電視翡翠台喺2018年4月29號到6月3號逢禮拜日20:30-22:30播第一輯12集足本版（每次播2集），第二輯剪輯成10集版播，喺6月10號到7月8號同一時段播，第三輯剪輯成5集版，喺7月30號到8月3號禮拜一到五21:30-22:30播。