開主選單


myTV SUPER香港一個收費OTT平台,由電視廣播有限公司喺2016年4月18號正式推出,取代咗myTVGOTV等服務。初期提供流動應用程式版同解碼器版。2017年2月,myTV SUPER推出網上版,但係賬戶同前者唔係互通嘅(但可以透過跨屏幕同時睇配對手機、平板電腦同網頁收睇)。

myTV SUPER
無框
網址 http://www.mytvsuper.com/
商用?
網站類型 互聯網電視平台
註冊 必須
可用語言 繁體中文英文
擁有者 電視廣播互聯網有限公司
推出 2016年3月
現時狀態 線上

2016年9月,MyTV SUPER亦向海外地區推出TVB Anywhere嘅OTT平台,不過喺中國大陸、香港、越南、新加坡、馬來西亞等地區係用唔到嘅。

概要

myTV SUPER唔似得無綫網絡電視,可以避開《廣播條例》限制。myTV SUPER以流動網絡傳送,既能繼承收費電視功能,又有發展自由度(公司股東、股權規管,同埋唔使自行架設傳送節目用專用網絡)。

myTV SUPER透過觀眾租用或者買解碼器(本身建基於Android 4.X)、流動裝置(Android同iOS)安裝流動應用程式同網頁提供服務,主要服務有直播同點播兩種。部分節目支援4K解像度,但流動裝置版本唔支援4K[1]

目前常設直播頻道52條,包括無綫電視現有5條免費頻道16條收費頻道(其中一條頻道係myTV SUPER自創),同埋其他營運商提供31條頻道。大部分頻道支援即時回看3個鐘頭內已播出節目內容,同節目播放後幾個鐘就有足本重溫。另外,平台亦會為大型活動特別召時增設頻道,令所有大會提供直播資源能夠被盡用。

點播服務分為現有節目重溫、GOTV節目、經典節目、首播節目,互動平台。首播節目主要包括海外播完節目,全集推出;緊貼海外最新一集節目,同步推出;同無綫電視自製節目定期上架。互動平台以多頻道模式提供娛樂,藝人資訊,同觀眾互動。

平台早期只有收費部份,後又有擴大宣傳,推出限時免費內容。由2016年9月開始流動應用程式提供免費區,逐步取代myTV同GOTV。

有關頻道

現有頻道

已停播頻道

  • *係免費觀看頻道

洗衣舖群星事件簿

為宣傳myTV SUPER,無綫喺2016年5月22號推出吳業坤洗衫舖店員,描述佢遇到多種電視節目角色同主持,係14集廣告式微電影

合作對象

爭議

喺翡翠台大肆宣傳

為促銷myTV SUPER解碼器,無綫動員大量人力物力用旗下免費電視頻道翡翠台廣告時段,同節目時間大搞洗腦宣傳,例如《myTV SUPER呈獻:萬千星輝睇多D》、《myTV SUPER呈獻: 萬千星輝放暑假》,做法有植入式廣告之嫌。結果,通訊事務管理局就《萬千星輝睇多D》同《萬千星輝放暑假》播放後分别接獲23、30宗投訴。

最後,事件由通訊局罰無綫20萬港元收科。[4]

網上版限制多

myTV SUPER網上版2017年2月推出初期只支援Internet Explorer 11.0 或以上,Safari 8.0 或以上瀏覽器,其他主流瀏覽器(包括Microsoft EdgeGoogle ChromeFirefoxOpera)都唔支援。雖然過幾個月後續一支援,但重有好多限制,例如同一部電腦同一個IP網域都唔可以多次使用,因為每個月都有清除cookie、重新登入限制。

免費版節目重溫少得可憐

以前myTV提供無綫電視大部份節目足本重溫,重會保留60日,包括舊有已上傳節目[5]。不過2017年4月17號到而家,免費版所有節目(包括少數獲保留超過60日節目之一新聞檔案)。得返最多保留7日,亦只有少量節目有得重溫,變相迫人申請收費服務。

電視盒熄機重識上網

用控制器將myTV SUPER電視盒熄機後,只會進入「待機模式」而本身冇所謂「關機」功能。咁路由器重會顯示電視盒重同佢進行WiFi無線連接到互聯網,而目的地IP地址係中國大陸而唔係香港。要電視盒完全熄機,係要完全除去電源,例如:熄個插座電掣,或者斷開電線線同電池等等,就可以即時將個「神秘連線」中斷。

用法律搞網站myAVSUPER

想知多啲:myAVSUPER、 毛記電視、 同埋 thisAV

無綫電視法律行動告成人網站「myAVSUPER」[6]。無綫話,myAVSUPER網站個商標,網址都仿似佢註冊「myTVSUPER」個商標,網址。「myAVSUPER」回應,域名註冊採用先到先得方式,對方指控無理據,同埋「myAVSUPER」全球網站流量排名高過myTVSuper[7]。另一間叫毛記電視就未傳出有關版權糾紛[8]。而亞洲電視(即ATV)個網站就疑遭香港知名色情網站ThisAV」,惡搞戲仿[9]

參考

出面網頁