冰山

冰山係一塊好大、浮喺海面嘅冰，通常係由近岸邊嘅冰川或者冰原分裂出嚟嘅。

特點

因為呢啲冰多數係由淡水凝結而成，密度低過海水，所以就浮到喺海面。但係平時見到嗰部份其實只係佔左成個冰山嘅10%左右，即係話座冰山有大約九成都係嚮海面以下。

一般嘅冰山，高度(淨係計水面以上嘅部份)由1米至80米不等，現時所知最高嘅冰山喺北大西洋，有成168米高，即係差唔多55層樓咁高。入面嘅溫度可能低至攝氏零下20度。

由於佢哋浮喺海面，所以就算佢哋咁大塊，都可以喺海度漂流，有啲可以一年郁成7公里。

如果有人揸船嗰陣唔小心撞到冰山，就可能造成傷亡。例子有鐵達尼號喺1912年因為撞冰山而沉沒，死咗1,500人。電影《鐵達尼號》就借咗呢件事嚟講出一個愛情故事。

啲人成日講嘅冰山一角，就係用嚟形容一啲大家見到嘅問題，其實只係成個大問題嘅一小部份，就好似我哋見得到嘅冰山只係佢嘅一小部份一樣。

呢篇文係關於地理嘅楔位文。歡迎幫維基百科擴寫佢。

呢篇同物理相關係楔位文。歡迎幫維基百科擴寫佢。